Donald Trump aapishwa rais wa 45 Marekani,Waandamanaji watia dosari Uapishwaji wake

Donald Trump,ameapishwa rasmi kuwa rais wa 45 wa Marekani katika sherehe zilizofanyika jijini Washington zikishuhudiwa na watu wachache ukilinganisha na wakati wa Barack Obama na kuahidi kuwaunganisha Wamarekani wote pamoja na kuifanya nchi hiyo kuwa Dola lenye nguvu tena

"Kuanzia  siku  ya  leo na  kuendelea  itakuwa  Marekani  kwanza," rais  huyo  kutoka  chama  cha  Republican  aliwaambia  maelfu  ya watu  waliokusanyika katika uwanja  wa  taifa  kumshuhudia akichukua  madaraka  kutoka  kwa  Barack Obama  wa  chama  cha Democratic.

Pamoja  na  Obama  na  marais  wengine  wa  zamani watatu wakiwa  wameketi  karibu, Trump  aliushutumu  uongozi  wa  zamani wa  Marekani  wa  kuwatajirisha  maafisa  mjini  Washington  kwa mgongo  wa  familia  zenye  matatizo  nchini  Marekani.

Rais Trump aliongezea kwa kusema kuwa hafla  ya kuapishwa kwake si ya kuhamisha uongozi kutoka kwa chama kimoja kwenda kingine ila tu ni kuhamisha madaraka kutoka Marekani kwenda kwa wamarekani.

Marekani ya sasa itaendeshwa kwa msemo wa Trump ''Buy American Hire American'' akimaanisha kuwa bidhaa nyingi zitakuwa zikitengenezwa Marekani hivyo basi kuongeza ajira kwa raia wengi wa Marekani.

Kuanzia sasa itakuwa Marekani kwanza Marekani kwanza.

Trump ameaongeza,''Tutaungaunisha ulimwengu dhidi ya ugaidi,amabao tutauangamiza kabisa duniani.

Maandamano dhidi  ya  Trump  yalifikia  hali  ya  purukushani  kubwa  mjini Washington. Wanaharakati  waliovalia  mavazi  meusi  walivunja madirisha  ya  vioo  ya  maduka , walizuwia  magari  kupita  na kupambana  na  polisi  wa  kuzuwia  ghasia  ambao  walijibu  kwa kurusha  mabomu  ya  kutoa  machozi na  mabomu  ya  kushitua. Polisi  walisema  zaidi  ya  watu 200  walikamatwa.

Wakati Trump akiapishwa maandamano yalikuwa yakiendelea mjini Washington waandamanaji wakipinga kuchaguliwa kwake.Picha zinajieleza hali halisi ya viongozi hao wawili katika taifa lenye nguvu kubwa Duniani